Tuesday, January 6, 2009

Howl’s moving castle


Түүний дуу хоолойг сонсонгуут л хамаг биеэр ямар нэгэн юм гүйх шиг болж гайхалтай мэдрэмж төрөөд байдаг юм. Хэн бэ гэж үү? Нөгөө л Christian Bale. Тэр Hayao Miyazaki san-ийн бас нэгэн хөөрхөн киноны шидэт байшингийн эзэн Howl гэх нууцлаг, ид шидийн хүчтэй, царайлаг залуугийн дүрд дуу оруулжээ.

Ид шид, шулмас, албин чөтгөрүүд, дайн тулаан, нөхөрлөл, хайр сэтгэл гээд бүгд энэ кинонд багтсан. Өдөр бүрийг эгэл жирийн амьдрал дунд, ээжийнхээ дэлгүүрт малгай чимэглэн өнгөрөөж асан Sophie охин тэнгэрээр дүүлдэг нэгэн сайхан залуутай санамсаргүй таарснаар киноны хачин жигтэй үйл явдлууд өрнөж эхэлнэ. Мөнөөх залуу бол мэдээж Howl бөгөөд түүний зүрхийг өөрийн болгохыг санаархсан шулмас Witch of the Waste охиныг 90 настай эмгэн болгон хувиргана. Ямар ч идэвхгүй, нэгэн хэвийн амьдралтай, аймхай жаахан бүсгүй эмгэн болон хувирсны дараа түүний дотоодод нуугдаж байсан амьдралын тэмүүлэл, аймшиггүй зориг, ухаалаг шинж чанарууд илэрч гарч ирэх бөгөөд Howl-д дурласан сэтгэл нь түүнд улам их хүчийг өгдөг.

Нөгөө талд Howl хэдийгээр хүчирхэг, агуу ид шидтэй боловч эмзэг, хайр халамж дутсан нэгэн болох нь харагдана. Өөрөө явдаг шидэт байшингийн гэр бүлийн бусад гишүүд болох байшингийн онгон Calcifer, бяцхан жаалхүү Markl, хараалд өртөөд мануухай Turnip Head болон хувирсан хөрш улсын ханхүү Justin нар киноны үйл явдлын тайлалд гол үүргийг гүйцэтгэнэ. Calcifer санамсаргүйгээр Howl-ын зүрхийг шулмаст алдаж, Sophie түүнийг яаж аварч байгаа болон Turnip Head мануухай хэрхэн үзэсгэлэнт ханхүү болон хувирч буй гээд үйл явдал хэрхэн өрнөхийг киноноос үзээрэй. Киноны төгсгөл хэдийгээр аз жаргалтай боловч Sophie залуу насаа бүрэн сэргээж чадалгүйгээр, буурал үстэй хэвээр үлддэг нь харамсалтай. Магадгүй, амьдралд аз жаргал үнэ цэнэтэй олддог гэсэн санааг үүгээр илэрхийлсэн ч байж болох.

Уг киноны эх зохиол нь арай өөр бөгөөд номын зарим баатруудыг кинонд өөрчилж оруулсан ажээ. Жишээлэхэд, номон дээрээ залуухан, үзэсгэлэнт бүсгүй дүртэй гардаг шулмас кинон дээр тарган, настай авгай, аймшигт дүр төрхтэй, хилэнт гэрийн онгон Calcifer кинон дээр эгдүүтэй хөөрхөн галын дөл төрхтэй дүрслэгдсэн гэх мэт өөрчлөлтүүд хийгдсэн байна. Гэхдээ миний хувьд ямар ч киноны зохиолыг эхлээд уншчихвал кино сонирхол татахаа байчихдаг тул эхлээд киног нь үзээд дараа нь зохиолыг уншихыг эрхэмлэдэг юм.

5 comments:

бж said...

Bayarlasan shuu.
Saruuldaa bas shine onii mend hurgeed sanasan zorison buhen ni butemjtei baih boltugai gej yeruue.

Bayasum said...

үзэхэд нэг л ер бусын мэдрэмж төрдийн. сонин..

piglet said...

bi lag durtai

Anonymous said...

Bayarlalaa bi ene kinonii ih tom fan. nom ni bdag gej bodsongui.

dandelion said...

hey chi oscard 13 turluur ner devshij 8 d ni shagnal avsan gesiishdee ymar ymar turluur ner devshij yund ni shagnaliig ni hurtseniig heleed uguuch