АЛТАЙ: Хэрвээ энэ...

Хэрвээ энэ бороо
Бид хоёрыг норгосон бол
Хэрвээ энэ гудамж
Бид хоёрыг хүлээсэн бол

Хэрвээ хайртай гэдэг үг
Ийм гунигтай байгаагүй бол
Хэрвээ баяртай гэдэг үг
Ийм богинохон байгаагүй бол

Хэрвээ намайг ширтэх чинь
Алдах вий гэж нууцхан хэлээгүй бол
Хэрвээ би - би биш
Мөнх дурлалын дуулал байсан бол

Хэрвээ энэ олон “хэрвээ”
Цаасан дээр сараачсан зураас л байж
Хаа нэгтээ гээгдэж, мартагдвал...
Хэрвээ энэ бороо