Tuesday, August 26, 2008

Бээжин 2008: Медалийн сониноос

Бээжингийн Олмип юм юмаараа сэтгэлд хүрсэн, бас олон шинэ амжилтыг төрүүлсэн сайхан олимп боллоо. Хятад ч лут улс юмаа.

Бидний монголчууд хос алт, хос мөнгө, нэг хүрэл, бас нэг алт авсан Өвөр Монгол залууг тооцох юм бол нийтдээ 3 алт, 2 мөнгө, 1 хүрэлтэйгээр гялалзсан сайхан амжилтыг үзүүлцгээж магнай тэнийн баярлав.

Энэ олимпоор хамгийн олон буюу 958 медалийг тамирчид хүртэцгээжээ.
Медальтай холбоотой ганц хоёр сонирхолтой тоо баримтыг дурдвал:

  • Атлантагаас хятадууд 50 алт авч байсан амжилтаа энэ удаад нэгээр ахиулж чадав. Өмнө нь 1988 оны Өмнөд Солонгост болсон Олимпод Оросууд 55, 1984 оны АНУ-д болсон Олимпоос Америкчууд 83 алтан медалийг хүртэж байлаа.
  • Америкчуудын хувьд Афинаас авсан 36 алтан медалийн амжилтаа хадгалж үлдэв.
  • Харин нэг медальд ногдох хүний тоогоор аваад үзэх юм бол Хятадын 25 сая хүн тутамд, АНУ-н 8.5 сая хүн тутамд, Ямайкагийн (6 алт) 450 мянган хүн тутамд нэг алтан медаль ногдож байх юм. Тэгэхээр чанар өөр байгаа биз? Албан ёсоор бол 1.3 сая монголчууд дундаа нэг алтан медальтай. Хятад хэрэв Ямайкагийн үзүүлэлт хавьцаа очиё гэвэл 2,889 алтан медаль хүртэх хэрэгтэй болно.
  • Олимпын эх орон Грек нийтдээ ердөө 16 медаль авсан байх юм.
  • Африкийн орнууд бүгд нийлээд 40 медаль авч тивийн түүхэндээ рекорд тогтоов.
  • Афганистан, Бахрайн, Мавритан, Судан, Тажикстан, Того улсууд анхныхаа олимпын медалийг хүртэн баярлацгаав.
  • Олимпоос медаль авч чадсан орнууд дунд хүн ам хамгийн багатай нь Исланд бол медаль хүртэж чадаагүй орнууд дундаас хамгийн олон хүн амтай нь Пакистан (164 сая) гэнэ.
  • Майкл Фелпс гэгч агуу сэлдэг америк нөхөр Франц, Голланд, Испани, Канад, Аргентин, Швейцарь, Бразил, Мексик зэрэг бүхэл бүтэн улс орнуудыг ардаа орхин ганцаараа 9 алтан медаль “түүчихэв”. Эрэгтэйчүүдийн усанд сэлэлтээр бусад орнууд бүгд нийлээд 7 алтан медаль авч. Харин боксоор бол Амекрикчууд ёстой “будаа” болж, арайхийн ганц хүрэл “зулгаажээ”.
  • Хуучин ЗХУ-н бүрэлдэхүүнд багтаж байсан орнууд бүгд нийлээд 173 медаль авсан.
  • 1992 онд алтан медалийн тоогоороо 5-д жагсаж байсан Кубчууд 2008 онд 28 руу ухарлаа.
  • Биднээс гадна Панамчууд бас Энэтхэгчүүд энэ олимпоос анхны алтан медалиа авч хагартал баярлацгаав.
  • Дэлхийн хүн амын 17%-ийг эзэлдэг Энэтхэг олимпийн нийт медалийн 0.31%-ийг
    БНХАУ: Дэлхийн хүн амын 19.8%,ы нийт медалийн 10.4%-ийг
    АНУ: Дэлхийн хүн амын 4.6%, медалийн 11.5%
    Ямайка: Дэлхийн хүн амын 0.041%, медалийн 1.15%-ийг тус тус авсан байна.

Эх сурвалж: Yahoo Sports

4 comments:

бж said...

Sonirholtoi yumaa.
Hed honog l Mongolooroo goyoloo doo...

Requiem said...
This comment has been removed by the author.
Barimalch said...

Ene udaagiin olimp gol n Mongolchuudad uram dem ogoh gol nolootei bolson zasgiin gazar ch iimerhuu uls ornii setgelzuin situatsiig tolovloj shigshee bagiig 3,5 terbumaar sanhuujuulsen bh. Undsendee negen buhel tsolgtsolbor amjilttai tosol bolson.

Harin daraa daraachiin olimpuudaas ireh altuudiig ingej het ih erhluulj shagnaj tuilshiruulbal demii bolno bh.

Буянбат said...

Үнэхээр сонирхолтой мэдээлэл байна. Гэхдээ ганц хоёр алдаа байна. Гоё блог байна